एकजुट
हुँदैछन् समाजवादीहरु
एजेन्सीहरु
हवाना, ४ मङ्सिर
: विश्वमा आर्थिक मन्दीले पुँजीवादीहरूलाई
आक्रान्त पारिरहेकै बेला समाजवादी राष्ट्रहरू आर्थिक
वृद्धि र समुन्नतिका लागि एकताबद्ध हुँदैछन् । उनीहरू
एकआपसमा सहयोगको आदानप्रदान गर्नुका साथै अमेरिकी
साम्राज्यवादका विरुद्ध कसरी जुध्न सकिन्छ भन्ने विषयमा
समेत छलफल गर्दैछन् ।
यसैक्रममा चिनियाँ राष्ट्रपति
हु जिन्ताओ लाखौं डलरको सहयोगसहित क्युबासँगको
व्यापार-सम्बन्ध बढाउन हवाना पुग्नुभएको छ । क्युबामा
यस वर्ष आएका तीनवटा हुरिकेन आँधीबाट पीडित बनेका
क्युबालीहरूको सहयोगार्थ चीनले ४ दशमलव ५ टन मानवीय
सहायता सामग्री सोमबार हस्तान्तरण गरेको थियो ।
चीनबाट प्राप्त सहयोगको
सह्राहना गर्दै क्युबाका वैदेशिक लगानी तथा आर्थिक
सहयोग मन्त्री रोडि्रगो मालमिर्काले क्युबाले सङ्घर्ष
गरिरहेका बेला राष्ट्रपति हुले ल्याउनुभएको सहयोग उचित
समयमा आएको बताउनुभयो ।
दश अर्ब डलर बराबरको क्षति
पुग्ने गरी आएका हुरिकन, गुस्ताभ, आइक तथा पालोमाबाट
पीडित बनेका क्युबालीहरूलाई चीनले गरेको यो तेस्रो
सहयोग हो । चीनले हुरिकनबाट क्षतविक्षत भएको क्युबालाई
हालसम्म २० लाख ५० हजार डलर सहयोग गरिसकेको छ ।
चीनले क्युबाको अस्पतालहरू
पुनर्निर्माणका लागि ७ करोड डलरको ऋण उपलब्ध गराउनुका
साथै सामाजिक योजनाका लागि अर्को एक करोड डलर उपलब्ध
गराएको छ ।
मंगलबार राष्ट्रपति हु
क्युबाली राष्ट्रपति राहुल क्यास्ट्रोका साथ चिनियाँ
विद्यार्थीहरू अध्ययन गर्ने विद्यालय जानुभएको थियो,
जहाँ क्युबाली नेताहरूले चिनियाँ कम्युनिष्ट पार्टीका
अध्यक्ष माओत्सेतुङको सम्झनामा चिनियाँ गीत गाउनुभएको
थियो ।
चिनियाँ राष्ट्रपति हुले
पूर्वराष्ट्रपति फिडेल क्यास्ट्रोलाई भेट गरी समाजवादी
अर्थतन्त्र र विश्व आर्थिक संकटका विषयमा लामो कुराकानी
गर्नुभएको थियो ।
फिडेल क्यास्ट्रोले केही महिना
यता भेनेजुयलाका राष्ट्रपति हृयुगो चाभेज र ब्राजिलका
राष्ट्रपति लुइज इनासियो लुला डी सिल्भासँग भेटघाट
गरिसक्नुभएको छ ।
चिनियाँ राष्ट्रपति हु
वासिङ्टनमा सम्पन्न जी-२० सम्मेलन सकेर सोमबार क्युबा
पुग्नुभएको हो ।
अमेरिकी अर्थतन्त्र डामाडोल
भएको स्थितिमा चीनले यतिबेला आफ्नो व्यापार ल्याटिन
अमेरिकी देशतर्फ सोझ्याएको बताइन्छ । चीनले ल्याटिन
अमेरिकामा यस वर्षको पहिलो नौ महिनामा आफ्नो निर्यात
५२ प्रतिशतले बढाएको छ, जुन १ खर्व ११ अर्ब ५० करोड
डलर हो ।
सोभियत युनियनको सन् १९९१ मा
विघटन भएपछि चीन, भेनेजुयला, क्युबा, ब्राजिल, भियतनाम
लगायतका समाजवादी राष्ट्रहरूले आपसी सम्बन्धको सुधारका
लागि प्रयासहरू गरेका छन् र उनीहरू विश्वव्यापी शक्तिका
लागि ऐक्यबद्धता जनाइरहेका छन् ।
त्यसो त समाजवादी राष्ट्र
नभएपनि अमेरिकासँगको दुश्मनीका कारण इरान पनि यी
राष्ट्रहरूसँग सम्बन्ध जोड्दै आएको छ । उत्तर
कोरियाप्रति अमेरिकाले राखेको दृष्टिकोणका आलोचक यी
राष्ट्रहरूले पुँजीवादका विरुद्ध समाजवादी
राज्यव्यवस्थालाई मजबुत पार्नु पर्नेमा आफूहरूबीचमा
सहकार्यको आवश्यकतालाई औंल्याउँदै आएका छन् ।
यसैबीच भियतनामका राष्ट्रपति
न्गुयन मिन्ह टि्रयटले भेनेजुयलाको भ्रमण गर्नुभएको छ
। एशिया प्रशान्त क्षेत्रको सम्मेलनमा भाग लिन जानुअघि
टि्रयटले भेनेजुयलाका राष्ट्रपति हृयुगो चाभेजसँग
भेट्ने कार्यक्रम छ ।
दुई नेताहरूबीच भेनेजुयलाले
चीन र इरानसँग गरेजस्तै संयुक्त विकास कोषका विषयमा
छलफल गर्ने कार्यक्रम छ ।
सन् २००६ मा चाभेजले भियतनामको
भ्रमणका क्रममा अमेरिकीहरूसँग भियतनामले गरेको साहसिक
युद्धको प्रसंशा गर्नु भएको थियो ।
समुद्री डाँकाको जहाज डुब्यो
एजेन्सी
अदन, ४ मङ्सिर
: भारतीय नौसेनाको युद्धपोत आइएनएस तबरमा सवार
नौसैनिकहरूले सोमालियाका समुद्री डाँकाहरूको जहाजलाई
अदनको खाडीमा डुबाइदिएका छन् ।
डाँकाहरूले भारतीय नौसेनाको
जहाजमाथि हमला गरेपछि नौसेनाले जवाफी कारबाही गर्दा
डाँकाहरूको जहाज डुबेको जनाइएको छ ।
नौसेनाका अनुसार आइएनएस तबर
मंगलबार अदन खाडीमा गस्ती लगाईरहेका बेला त्यस
क्षेत्रमा आईरहेको समुद्री डाँकाहरूको जहाजलाई नौसेनाले
रोकेका थिए ।
हातमा बन्दुक र रकेट लन्चर
लिएका समुद्री डाँकाहरूले नौसैनिक जहाजलाई उडाईदिने
धम्की दिनुका साथै गोली बर्षाएको नौसेनाले बताएका छन्
।
नौसेनाले गरेको जवाफी
कारबाहीमा डाँकाहरूको जहाज विष्फोट भएको थियो ।
डाँकाहरूको जहाजमा विष्फोटक पदार्थ राखिएको बुझिएको छ
।
समुद्री डाँकाहरूले शनिबार
साउदी अरबको सिरियस स्टार नामको तेल ट्याङ्करलाई अपहरण
गरेका थिए ।
यस जहाजमा साउदी अरबका २५ जना
चालक दलका सदस्य छन् र सो जहाज २० लाख ब्यारेल तेलले
लादिएको थियो ।
गृहयुद्धका कारण सोमालियामा
सन् १९९१ देखि कुनै सरकार छैन र संयुक्त राष्ट्र संघीय
शान्ति सेनाले त्यस देशमा सुरक्षा दिइरहेको छ ।
समुद्री डाँकाहरूसँग जुध्नका
लागि कतिपय देशका नौसैनिक युद्धपोतहरूले अदनको खाडीमा
गस्ती समेत लगाईरहेका छन् ।
विश्वको व्यस्त
समुद्रीमार्गमध्येको एक यस खाडीले लालसँगरलाई हिन्द
महासँगरसँग जोड्ने काम गर्छ ।
रिपोर्टअनुसार सोमालियाका
समुद्री डाँकाहरूले जहाजहरूको अपहरण गरी यसवर्ष करीब
तीन करोड डलर फिरौती असुल गरिसकेका छन् ।
समुद्री डाँकाहरूले अदनको
खाडीबाट मंगलबार फेरि दुईवटा पानीजहाज लुटेर लगेका छन्
।
मङ्गलबार अपहरण गरिएका दुईवटा
पानीजहाज कुन कम्पनीका थिए भनेर खुल्न सकेको छैन ।
आन्तरिक द्वन्द्वका कारण सोमालियामा प्रभावकारी सरकारी
संयन्त्र नहुँदा लुटपाटका घटना बढेको जनाइएको छ ।
अमेरिकी क्षेप्यास्त्रबाट पाँचको मृत्यु
एजेन्सी
मिरानशाह, ४ मङ्सिर
: अफगान सीमा नजिकै उत्तरपश्चिमी पाकिस्तानमा
भएको एक क्षेप्यास्त्र हमलामा दुई विदेशीसहित पाँच
व्यक्तिको मृत्यु भएको सुरक्षा अधिकारीहरूले बुधबार
बताएका छन् ।
ती क्षेप्यास्त्रहरू चालकरहित
अमेरिकी विमानहरूद्वारा खसालिएको ठानिएको छ ।
अल कायदा लडाकुहरूको सुरक्षित
आश्रय मानिएको अप्ठेरोमा आदिवासी भू-भागहरूबाहिर
अमेरिकी क्षेप्यास्त्र हमला भएको यो पहिलो अवसर हो ।
लक्ष्य बनाइएको घर
उत्तरपश्चिम बान्नु जिल्लामा पर्दछ, जुन अफगान
सिमानासँग जोडिएको छ । स्थानीय अधिकारीहरूका अनुसार यो
क्षेप्यास्त्र हमलामा अन्य सात जना घाइते भएका छन् ।
मारिनेहरूमा कम्तीमा दुईजना
विदेशी नागरिकहरू छन् । अल कायदा लडाकूहरूलाई संकेत
गर्न पाकिस्तानी अधिकारीहरूले विदेशीको संज्ञा दिने
गर्छन् ।
आणविक भट्टीको नमूना लिने सहमति
एजेन्सी
सोल, ४ मङ्सिर
: निःशस्त्रीकरणको अर्को चरणमा उत्तर कोरियाका
आणविक भट्टीहरूबाट अन्तर्राष्ट्रिय अनुगमनकर्ताहरूलाई
नमूना लिन लगाउन संयुक्त राज्य अमेरिका र उत्तर
कोरियाबीच मौखिक सहमति बनेको छ ।
दक्षिण कोरियाको दैनिक
समचारपत्र क्युनघ्याङ सिन्मनले कुटनीतिक स्रोतलाई अघि
सार्दै भनेको छ - चालु दोस्रो चरणमा नमूना लिने काम
हुनेछैन ।
अमेरिकाले अक्टुबर ११ मा
उत्तर कोरियाली आणविक कार्यक्रम घोषणाको भिडान गरी
हेर्ने विभिन्न प्रक्रियामा उत्तर कोरियासँग सहमति
बनेपछि आतङ्ककारी सूचीबाट त्यस मुलुकको नामलाई हटाएको
थियो ।
यस्ता प्रक्रियाहरूमा नमूना
सङ्कलन र फोरेन्सिक गतिविधि पनि सामेल छन् । यो अमेरिकी
कदमपछि उत्तर कोरियाले दोस्रो चरणमै नमूना सङ्कलनका
लागि अनुमति दिने अपेक्षा गरिएको थियो ।
उत्तर कोरियाले गतहप्ता आ
तर राष्ट्रसङ्घीय मिसनका
कमाण्डर जनरल विपिन रावतले भने थप कार्वाहीका लागि
राष्ट्रसङ्घीय सेना तयार नभएको प्रतिक्रिया दिएका छन्
।
पूर्व
ताइवानी राष्ट्रपतिलाई जेल फर्काइयो
ताइपेई, ४ मङ्सिर
: भ्रष्टाचारको आरोपमा
मुछिएका ताइवानी पूर्वराष्ट्रपति चेन शुइ वियनलाई
बुधबार अस्पतालबाट फर्काएर पुनः हिरासत केन्द्र लगिएको
छ ।
आठ दिनदेखि भोक हडतालमा रहेका
चेनलाई मुटुको ढुकढुकी अनियमित बनेपछि अस्पताल लगिएको
थियो ।
बुधबार एम्बुलेन्सबाट अस्पताल
निस्कादा उनका दर्जनौं समर्थकहरूले बिगुल बजाएका थिए ।
बुधबार बिहान डाक्टरहरूले
चेनको स्वास्थ्यमा देखिने गरी सुधार आएको तर चेनले
खानेकुरा खान अझै अस्वीकार गरेको बताएका थिए ।
भोक हडतालमा उत्रेको चौंथो
दिन जलवियोजन भएपछि आइतबार चेनलाई अस्पताल पुर्याइएको
थियो ।
बंगलादेशमा चुनाव दश दिन पर सर्ने
ढाका, ४ मङ्सिर
: मुलुकका मुख्य राजनीतिक
दलहरू आमनिर्वाचनमा सहभागी बनुन् भन्ने सुनिश्चित गर्न
बंगलादेशमा आम निर्वाचन १० दिन पर सारिन सक्ने एक निजी
समाचार साइट बीडी न्यूज २४ डटकमले जनाएको छ ।
पूर्वनिर्धारित डिसेम्बर १८
को तिथिबाट आमनिर्वाचन हुने दिन डिसेम्बर २८ मा सारिन
सक्ने अपेक्षा गरिएको छ ।
अवामी लिग पार्टीका सहयोगी
रशिद खान मेनोनलाई उद्धृत गर्दै सरकारले आमनिर्वाचन
डिसेम्बर २८ मा गर्ने प्रस्ताव अघि सारेको उक्त समाचार
साइटले जनाएको छ ।
बंगलादेशको सेना समर्थित
वर्तमान सरकारले बंगलादेश नेशनल पार्टीकी नेतृ खालेदा
जियासँग मङ्गलबार बेलुकी अबेर आपत्कालीन बैठक गरेको
थियो ।
जियाले चार पार्टी सम्मिलित
इस्लामिक गठबन्धनको नेतृत्व गर्दै आउनुभएको छ ।
महान्यायाधिवक्तामा होल्दर
वासिङ्टन, ४ मङ्सिर
: अमेरिकाको राष्ट्रपति पदमा
निर्वाचित बाराक ओबामाले महान्यायाधिवक्ताको पदमा इरिक
होल्दरलाई नियुक्त गर्ने जनाइएको छ ।
महान्यायाधिवक्तामा नियुक्त
भएमा ५७ वर्षीय होल्दर यो पद सम्हाल्ने पहिलो अपि
