Janadisha National Daily

जनदिशा दैनिक

जनादेश साप्ताहिक

The Red Star

सश्लेषण मासिक

बर्ष ८, अंक ४२, २०६५ मंसिर ०४ गते (19 November 08, Wednesday)

कभर स्टोरी

समाचार

टिप्पणी/रिपोर्ट

आजको अर्थ

विचार/दृष्टिकोण

खोला तर्‍यो, लौरो बिस्र्यो ! - अर्जुन ज्ञवाली

मध्यान्तर

अन्तर्राष्ट्रिय

आक्रामक बन्दैछन् माओवादी

नयाँ नेपालका लागि प्रवासीहरु एकजुट

चीनले अफगानिस्तानमा जनमुक्ति सेना नपठाउने

साउदी सुपर टयाङ्कर अपहरणमा

विवाहमा गएका जन्ती दुर्घटनामा

विद्रोहीद्वारा सशस्त्र सङ्घर्षमा तीव्रता

चेनको भोक हड्ताल सातौं दिनमा

अन्तिम पातो

पाठक पत्र

सम्पादकीय

मूल्यवृद्धि नियन्त्रण गर

नेपाल राष्ट्रबैङ्कको पछिल्लो तथ्याङ्कले नेपालमा मूल्यवृद्धि चिन्ताजनक रुपमा रहेको देखाएको छ । आर्थिक वर्ष ०६५।०६६ को तीन महिनाको मूल्यवृद्धि १४ प्रतिशतभन्दा बढी रहेको तथ्याङ्कले सर्वसाधारण जनता कति मर्कामा छन् भन्ने पुष्टि गर्छ । खाद्य तथा पेय, गैरखाद्य तथा सेवन, घ्यू, तथा खाने तेल एवम् निर्माण सामग्रीलगायत लगभग सबै जसोमा तीव्र मूल्यवृद्धि रहेको राष्ट्रबैङ्कको तथ्याङ्कले देखाउँछ । चिनी र चिनीजन्य वस्तुका मूल्यमा ३९.५ प्रतिशत, खाने घ्यू तथा तेलको मूल्यमा ३५.४ प्रतिशत वृद्धिको आँकडाले नेपालमा मूल्यवृद्धिको स्थिति कति भयावह छ भन्ने देखाएको छ । हुन त मूल्यवृद्धि विश्वव्यापी रुपमा नै भएको छ र त्यसबाट नेपाल अछुतो रहन सक्दैन । तर हालको मूल्यवृद्धिमा देशमा रहेको सङ्क्रमणकालको दुरूपयोग भएको पनि देख्न सकिन्छ ।

विश्वबजारमा आएको आर्थिक सङ्कटले गर्दा हाल धेरै कुराको मात्रमा तीव्र कमी आएको छ । यसले धेरै वस्तु तथा सेवाको मूल्यमा कमी ल्याइसकेको छ । युरोपियन पदार्थकै उदाहरण लिने हो भने पनि पाँच महिनाअघि १४७ डलर प्रति व्यारेल रहेको तेलको मूल्य झन्डै एक सय डलर घटेर यो साता ५२ डलरको हाराहारीसम्म झर्‍यो । धेरै वस्तु तथा सेवामा तेलको मूल्यले ठूलो असर पार्दछ । विश्वव्यापी आर्थिक सङ्कटसँगै तेलको मूल्यमा आएको कमीको परिणामस्वरुप छिमेकी राष्ट्रहरु चीन र भारतमा पनि वस्तु तथा सेवाको मूल्यमा कमी आएको रिपोर्टहरु आइरहेका छन् । तर नेपालमा विश्वबजारको अनुपातमा तेलको मूल्य समायोजन भएको छैन, यातायात तथा ढुवानी भाडा घटेको छैन । वस्तु तथा सेवाको मूल्य घट्नुको सट्टा बढ्दै गएको छ । जनताको तहबाट धेरै अपेक्षा गरिएको सरकारका निमित्त यो सुखद विषय होइन ।

हाल नेपालमा क्रान्तिकारी एजेन्डा बोकेको नेकपा -माओवादी)को नेतृत्वको सरकार छ । कम्युनिस्टविरोधी शक्तिहरु जनपक्षीय सरकारलाई राजनीतिक एवम् फौजी रूपमा परास्त गर्न नसकेपछि अन्य विभिन्न उपायहरु अपनाउने गर्दछन् । त्यसमध्ये आर्थिक अराजकता सिर्जना गर्नु र जनतामा तीव्र असन्तोष पैदा गराउनु एउटा हो । विश्वका कैयन देशमा जनपक्षीय सरकारहरु यस्ता उपायबाट धरासायी बनाएर गिराइएका छन् । नेपालमा विगतको द्वन्द्व र त्यसपछि सङ्क्रमणकालीन स्थितिको फाइदा उठाएर जनताविरोधी शक्तिले स्थितिलाई अन्योल र उत्तेजनापूर्ण बनाइरहेका छन् । माओवादीको नेतृत्वमा सरकार बनेपछि पनि पहिलेकै प्रशासनयन्त्र, आर्थिक सम्बन्ध एवम् सुरक्षा संयन्त्र रहेकाले पनि जनताले राहत पाउने खालका प्रस्ट कार्यक्रम क्रियान्वयन हुन सकेका छैनन् । मूल्यवृद्धि नियन्त्रण हुन नसक्दा विस्तारै जनतामा वर्तमान सरकारप्रतिको विश्वासमा खिया लाग्दै गएको छ । सरकारले यसतर्फ गम्भीर ढङ्गले सोचेर प्रभावकारी कदम चाल्न ढिला भइसकेको छ ।

पुराना अंकहरु

कृष्ण सेन स्मृति प्रकाशन प्रा.लि.द्वारा प्रकाशित । प्रधानसम्पादक : गोविन्द आचार्य, सम्पादक : चन्द्रमान श्रेष्ठ, कार्यकारी सम्पादक : दीपेन्द्र रोकाया, सहसम्पादक : ध्रुव अधिकारी, सन्तोष पौडेल, दीपक खनाल, प्रबन्ध सम्पादक : चेतन कुँवर, विज्ञापन : अमृतराज उपाध्याय, कार्यालय : अनामनगर, काठमाडौँ, फोन ०१-४२२०७३६, फ्याक्स ९७७-१-४२५६७८०, इमेल : janadisha@wlink.com.np मुद्रण : एक्सप्रेस कलर प्रेस प्रा.लि. नयाँबानेश्वर ।

संघीय लोकतान्त्रिक गणतन्त्र नेपालका नव नियुक्त प्रधानमन्त्री पुष्पकमल दाहाल 'प्रचण्ड', जनताका नाममा सम्वोधन गर्नुहुँदै । तस्वीर : दिनेश श्रेष्ठ

संविधानसभा चुनावका
लागि नेपाल कम्युनिष्ट पार्टी
(माओवादी)को प्रतिबद्धता-पत्र

Links

This page has viewed
times since 7 Baishakh 2065