जनदिशा दैनिक

जनादेश साप्ताहिक

The Red Star

सश्लेषण मासिक
बर्ष ८, अंक ३३, २०६५ कात्तिक २५ गते (10 November 08, Monday)

कभर स्टोरी

समाचार

टिप्पणी/रिपोर्ट

आजको अर्थ

विचार/दृष्टिकोण

मध्यान्तर

अन्तर्राष्ट्रिय

अन्तिम पातो

पाठक पत्र

सम्पादकीय

जनगुनासोलाई सम्बोधन गर

विगत लामो समयदेखि बजारमा देखिएका विविध अराजकता अझै कायम रहेका छन् । कालोबजारी, महागी, मिसावट एवम् अभाव नेपाली जीवनका अभिन्न विशेषता नै बनेजस्तो भएको छ । हुन त विगतमा रहेको तेलको सङ्कटमा सुधार आएको छ र त्यसकोे मूल्यमा पनि कमी आएको छ । यातायात तथा ढुवानीमा सुधार आएको छ र खाद्यसङ्कट हुन नदिन सरकारले चालेका कदमहरुको परिणाम थोरै भएपछि राम्रो देखिएको छ । तर विडम्बना के छ भने तेल सुलभ हुन थालेपछि त्यसमा मिसावट भएको खबर आएका छन् । साथमा खाद्य पदार्थमा मिसावट एवं गुणस्तर कायम हुन नसकेको यथार्थ त छँदैछ । गतसातादेखि खासगरी पेट्रोलबाट चल्ने दुईपाङ्गे्र सवारी साधनमा आएको व्यापक खराबीले एक हदसम्म 'महामारी' को रुप नै धारण गरेको देखिएको छ । ठूलो संख्यामा र अझ खासगरी नयाँ मोडेलका त्यस्ता साधनमा आएको खराबीको वास्तविक कारण अझै पत्ता लाग्न सकेको छैन, जुन अझ बढी गम्भीर छ । आयल निगम, पेट्रोलियम पदार्थका विक्रेता र सवारी साधनका विक्रेताहरुबीच विवाद भइरहेको छ तर समस्याको हल अझै निक्लेको छैन ।

खाद्य तथा गैरखाद्य अत्यावश्यक वस्तुमा हुने मिसावटका कारण नेपालीहरुले ठूलो मूल्य चुकाइरहनु परेको छ । विडम्बना के छ भने ती पदार्थहरुको मूल्य उच्च छ, तर त्यसको गुणस्तर चित्तबुझ्दो छैन । पैसा अलि बढी परे पनि किनेको वस्तु गुणस्तर मात्र भइदिए आम उपभोक्तालाई थोरै भएपनि चित्त बुझाउने आधार हुन्थ्यो । तर त्यस्तो छैन । नेपालीहरु दोहोरो-तेहोरो मारमा परेका छन् । तेलमा मिसावटका कारण सवारी साधनमा समस्या आएका छन् भने खाद्यान्नमा भएको मिसावटका कारण जनस्वास्थमा गम्भीर समस्या देखिएका छन् । खाद्य पदार्थमा भएको मिसावटबारे अनगिन्ती रिपोर्टहरु बजारमा आएका छन् । त्यसैगरी रक्सीजन्य एवं चीसो पेय पदार्थमा समेत मिसावट, अखाद्य पदार्थ एवं कीरा-कमिला भेटिएका समाचारहरु बाहिर आएका छन् । केही महिनाअघि 'सोफी' नामको सस्तो गुणस्तरहीन रक्सीबाट ग्रामीण क्षेत्रमा कैयौंको ज्यान गएको समाचार आएको थियो । यी समस्याहरु आफैंमा गम्भीर हुन्, जसले सरकारप्रति जनताको विश्वास क्रमशः घटाउँदै लगेको छ ।

राज्यको कर्तव्य जनताका लागि आधारभूत आवश्यकताहरुको व्यवस्था गर्नुमात्र होइन, त्यसको गुणस्तरको अनुगमन गर्नु र मिसावटलगायतमा संलग्न दोषीलाई कारबाही गर्नु हो । अहिले मिसावटको यति तीव्र गुनासो आउँदा पनि एकजनासमेत दोषी समातिएको वा त्यसमाथि कारबाही भएको समाचार आउन सकेको छैन । विडम्बना के छ भने हाल पेट्रोलियम पदार्थका मिसावटबाट हजारौं आक्रान्त भएका छन् तर तेलमा मिसावट भए/नभएको परीक्षण गर्ने संयन्त्रसमेत छैन । खाद्यान्नमा भएको मिसावटमा परीक्षण भएर एकजना अपराधी कारबाहीमा परेको सुन्न उपभोक्ताले पाएका छ्रैनन् । जनताको यस आमगुनासाका सरकारले प्रभावकारी सुनुवाई र सम्बोधन गर्न ढिला भइसकेको छ । बजारको अनुगमन, परीक्षण एवं कारबाहीका लागि सुरक्षा एवं अन्य सम्बन्धित अङ्गहरुको प्रभावकारी परिचालन भएन भने समस्या विकराल हुनसक्छ ।

पुराना अंकहरु

कृष्ण सेन स्मृति प्रकाशन प्रा.लि.द्वारा प्रकाशित । प्रधानसम्पादक : गोविन्द आचार्य, सम्पादक : चन्द्रमान श्रेष्ठ, कार्यकारी सम्पादक : दीपेन्द्र रोकाया, सहसम्पादक : ध्रुव अधिकारी, सन्तोष पौडेल, दीपक खनाल, प्रबन्ध सम्पादक : चेतन कुँवर, विज्ञापन : अमृतराज उपाध्याय, कार्यालय : अनामनगर, काठमाडौँ, फोन ०१-४२२०७३६, फ्याक्स ९७७-१-४२५६७८०, इमेल : janadisha@wlink.com.np मुद्रण : एक्सप्रेस कलर प्रेस प्रा.लि. नयाँबानेश्वर ।

संघीय लोकतान्त्रिक गणतन्त्र नेपालका नव नियुक्त प्रधानमन्त्री पुष्पकमल दाहाल 'प्रचण्ड', जनताका नाममा सम्वोधन गर्नुहुँदै । तस्वीर : दिनेश श्रेष्ठ

 

संविधानसभा चुनावका
लागि नेपाल कम्युनिष्ट पार्टी
(माओवादी)को प्रतिबद्धता-पत्र

वर्ड फाइल

पीडीएफ फाइल

Links

www.cpnm.org

Maoist Information

Bulletin

www.awtw.org

www.rwor.org

www.wprm.org

 

© All rights reserved with Krishnasen Memorial Publication Pvt. Ltd

This page has viewed  
free hit counter
 times since 7 Baishakh 2065