Janadisha National Daily

नेपालको सामन्ती राज्य संरचनालाई ध्वस्त पारेर गणतान्त्रिक व्यवस्था स्थापना गर्ने क्रममा लाखौं युवायुवतीहरु जनयुद्धमा सहभागी भए । जनयुद्धमा लागेका त्यसमा धेरै युवायुवतीले आफ्नो पढाइ, रोजगारी र क्यारियरलाई परित्याग गरेका थिए । हजारौं राज्यपक्षबाट हत्या, गिरफ्तारी र त्रासका कारण स्कुल तथा कलेज छोड्न बाध्य भए । जनयुद्धको सफलताको अन्तर्यमा ती हजारौं, लाखौंले देखाएको प्रतिबद्धता महत्त्वपूर्ण कारक थियो भनेर स्वयम् माओवादी नेतृत्वले स्वीकारेका छन् । जनयुद्धमा सहभागी हुने क्रममा धेरैले विविध प्रकारका क्षमता र सीप पनि हासिल गरेका छन् । लडाइाबाट प्राप्त सैन्य ज्ञानले सुसज्जित २० हजारभन्दा बढी जनसेनाको फौज त्यस्तै एउटा प्रस्ट देखिने उदाहरण हो ।

नेपालको आन्दोलनहरुको एउटा नराम्रो विशेषता के देखिएको छ भने आन्दोलनको सफलतापछि आन्दोलनमा लागेकाहरुको उचित सम्मान, घाइतेको रेखदेख एवम् सहिद परिवारलाई राहतमा राज्यले पर्याप्त ध्यान दिन सकेको छैन । बरू किनारमा उभिएर तमासे बन्नेहरु वा आन्दोलनको नै विरोध गर्नेहरु आन्दोलन सफल भएपछि हतारहतार उपलब्धि हत्याउन ताछाडमछाड गर्दैछन् । माओवादी नेतृत्वले विगतका खराब परम्परा तोड्दै सहिदका परिवारको सम्मान, घाइतेको रेखदेख र उपचार गर्ने प्रतिबद्धता देखाएको छ । त्यो प्रतिबद्धता हाल प्रक्रियामा छ । त्यसैगरी जनयुद्धमा होमिएका खासगरी औपचारिक अध्ययन बिथोलिएका युवायुवतीहरुलाई सरकारले खुल्ला विद्यालय एवम् विश्वविद्यालयमार्फत् शिक्षा एवम् सीप विकासको अवसर दिने प्रतिबद्धता व्यक्त गरेको छ । आफ्ना नीति तथा कार्यक्रममार्फत् यस्तो प्रतिबद्धता जनाएको सरकारले यो कार्यक्रमलाई छिटो कार्यान्वयनमा उतार्न जरूरी छ । जनयुद्धमा लागेका वा राज्यको दमनका कारण अध्ययनमा बाधा पुगेका धेरै युवाहरुमा अकर्मन्यता र छटपटी आएको कुरा सरकारले बुझ्न जरूरी छ ।

आन्दोलन सफलताको अर्थ त्यसमा संलग्नहरुको सम्मान र व्यवस्थापन पनि हो । त्यसैले पनि राज्यले क्रान्ति र आन्दोलन सम्पन्न भएका कैयन वर्षसम्म राहत र पुनस्र्थापनामा ठूलो लगानी गरेको हुन्छ । नेपालको वर्तमान सन्दर्भमा सेना समायोजनको अर्थ हिजो जनयुद्धमा होमिएका हजारौं जनसेनाको सीप र क्षमताको सम्मान गर्नु पनि हो । जनसेनाइतरका अन्य हजारौं युवाहरुको सही सम्मान र व्यवस्थापन भएन भने भोलि कुनै पनि प्रकारको अराजकता आउने छैन भन्न सकिन्न । आफ्नो जीवनमा महत्त्वपूर्ण वर्षहरु राज्य परिवर्तनका लागि खर्च गरेका युवाहरु त्यत्तिकै अलपत्र मिल्काइए भने तिनीहरुप्रति आन्दोलनको नेतृत्वबाट अपराध गरेको ठहर्ने छ । राष्ट्रको पुनर्संरचना गर्नका लागि पनि आन्दोलनमा होमिनेजस्तै साहस र प्रतिबद्धताको खाँचो पर्दछ ।

पुराना अंकहरु

कृष्ण सेन स्मृति प्रकाशन प्रा.लि.द्वारा प्रकाशित । प्रधानसम्पादक : गोविन्द आचार्य, सम्पादक : चन्द्रमान श्रेष्ठ, कार्यकारी सम्पादक : दीपेन्द्र रोकाया, सहसम्पादक : ध्रुव अधिकारी, सन्तोष पौडेल, दीपक खनाल, प्रबन्ध सम्पादक : चेतन कुँवर, विज्ञापन : अमृतराज उपाध्याय, कार्यालय : अनामनगर, काठमाडौँ, फोन ०१-४२२०७३६, फ्याक्स ९७७-१-४२५६७८०, इमेल : janadisha@wlink.com.np मुद्रण : एक्सप्रेस कलर प्रेस प्रा.लि. नयाँबानेश्वर ।

संघीय लोकतान्त्रिक गणतन्त्र नेपालका नव नियुक्त प्रधानमन्त्री पुष्पकमल दाहाल 'प्रचण्ड', जनताका नाममा सम्वोधन गर्नुहुँदै । तस्वीर : दिनेश श्रेष्ठ

संविधानसभा चुनावका
लागि नेपाल कम्युनिष्ट पार्टी
(माओवादी)को प्रतिबद्धता-पत्र

Links

This page has viewed
times since 7 Baishakh 2065