जनदिशा दैनिक

जनादेश साप्ताहिक

The Red Star

सश्लेषण मासिक
बर्ष ८, अंक २२, २०६५ कात्तिक ०९ गते (25 October 08, Saturday)

कभर स्टोरी

समाचार

टिप्पणी/रिपोर्ट

आजको अर्थ

विचार/दृष्टिकोण

मध्यान्तर

अन्तर्राष्ट्रिय

अन्तिम पातो

पाठक पत्र

सम्पादकीय

काङ्ग्रेसको धम्की

आफ्नो गृहथलो विराटगर पुगेर केही न केही विवादास्पद अभिव्यक्ति दिने नेपाली काङ्ग्रेसका सभापति गिरिजाप्रसाद कोइरालाले यसपटक आन्दोलनको नारा उरालेका छन् । उनले वर्तमान सरकारविरूद्ध आन्दोलनमा उत्रन कार्यकर्ताहरुलाई निर्देश्ान दिएर नेपाली समाजमा पुनः मुठभेडको राजनीतिलाई बढावा दिएका छन् । नयाँ सरकार गठन भएको तीन महिना पनि नपुग्दै पर्याप्त आधार बिना आन्दोलनको स्वर उराल्नु भनेको काङ्ग्रेसको असहिष्ण्ुँ, अधीर र अपरिपक्व सोच हो । भर्खर नीति तथा कार्यक्रम र बजेटमार्फत जनतामा परिवर्तनको आभाष दिलाउने कोसिस गरिरहेको सरकारविरूद्ध आन्दोलनको हुंकार गर्नु भनेको संविधानसभामा अभिव्यक्त जनचाहनामाथिकै कुठाराघात हो । जनता यतिखेर निरूद्देश्यमुलक पटके आन्दोलन, लहडमा आयोजना गरिने बन्द, हडताल र निरर्थक विरोधको पक्षमा छैनन ।

गणतान्त्रिक नेपालको प्रारम्भसँगै मुलुकमा सहमति, सहकार्य, निर्माण, परिवर्तन र रचनात्मक क्रान्तिको युग सुरू भएको छ । एघार वर्ष लामो त्याग, बलिदान, साहस र समर्पणको इतिहास बोकेको नेकपा-माओवादी)को नेतृत्वमा सरकार गठन भएको छ । जसले नयाँ संविधान निर्माण, दिगो शान्ति स्थापना र आर्थिक क्रान्तिको सूत्रपातको अभिभारा बोकेको छ । जुन सरकारले मुलुकलाई अग्रगमनतर्फ लैजाने अठोट गरेको छ र जसप्रति जनताको विश्वास पनि छ, त्यो सरकारविरूद्ध आन्दोलन गर्नुको अर्थ हो, अग्रगमनको गति अवरूद्ध पार्नु अर्थात् मुलुकलाई पुनः पुरानै अवस्थामा फर्काउनु । अतः सभापति कोइरालाको आन्दोलनको धम्कीभित्र अग्रगामी परिवर्तन अवरूद्ध पार्ने मात्र नभई शान्तिप्रक्रिया नै भाँड्ने कुत्सीत मनसाय लुकेको छ । सत्ताबाट अलग हुनासाथ काङ्ग्रेसले उद्दण्ड, अमर्यादित र असोभनीय गतिविधि गर्दै आएको छ । सेना समायोजन भएमा देशमा गृहयुद्ध मच्चिने धम्की दिनु तथा आफ्नो भातृसङ्गठन जनसम्पर्क समिति, अमेरिकामार्फत माओवादीलाई कथित आतङ्ककारीको सूचीबाट नहटाउन अमेरिकामा लविङ गर्न लगाउनुजस्ता गतिविधि हेर्दा काङ्ग्रेसले सहमति र समझदारीको साटो मुठभेडको राजनीति रोजेको स्पष्ट हुन्छ ।

संविधानसभाको अत्याधिक बहुमत प्राप्त वर्तमान सरकारविरूद्ध षड्यन्त्रका तानाबाना बुन्नु भनेको संविधानसभाकै उपहास र अपहेलना हो । यसैगरी सशस्त्र विद्रोहको बाटो छाडेर शान्ति प्रक्रियामा आएको माओवादीविरूद्ध विदेशमा नकारात्मक प्रचारबाजी गर्दै हिँड्नु काङ्ग्रेसको नकचरो चरित्र हो । यी सबै परिदृश्यबाट के स्पष्ट हुन्छ भने काङ्ग्रेस अझै पनि विदेशी प्रतिक्रियावादी, दलाल नोकरशाह पुँजीपतिवर्गकै हितमा साम्राज्यवादीहरुको पिछलग्गु भएर हिँडिरहेको छ । खासमा काङ्ग्रेसको मुखबाट प्रतिक्रियावादीहरुले माओवादीको सरकारविरूद्ध आन्दोलनको उद्घोष गरेका हुन् । कोइरालाको आन्दोलनको धम्कीभित्र देशीविदेशी प्रतिक्रियावादीहरुको झुसिलो डकारको गन्ध मिसिएको छ । अहिलेका सचेत जनता यो यथार्थ बुझ्न सक्ने भएका छन् । त्यसैले कोइरालाको आन्दोलनको धम्की उनको क्षणिक आवेगमा मात्र सीमित हुने पक्का छ ।

पुराना अंकहरु

कृष्ण सेन स्मृति प्रकाशन प्रा.लि.द्वारा प्रकाशित । प्रधानसम्पादक : गोविन्द आचार्य, सम्पादक : चन्द्रमान श्रेष्ठ, कार्यकारी सम्पादक : दीपेन्द्र रोकाया, सहसम्पादक : ध्रुव अधिकारी, सन्तोष पौडेल, दीपक खनाल, प्रबन्ध सम्पादक : चेतन कुँवर, विज्ञापन : अमृतराज उपाध्याय, कार्यालय : अनामनगर, काठमाडौँ, फोन ०१-४२२०७३६, फ्याक्स ९७७-१-४२५६७८०, इमेल : janadisha@wlink.com.np मुद्रण : एक्सप्रेस कलर प्रेस प्रा.लि. नयाँबानेश्वर ।

संघीय लोकतान्त्रिक गणतन्त्र नेपालका नव नियुक्त प्रधानमन्त्री पुष्पकमल दाहाल 'प्रचण्ड', जनताका नाममा सम्वोधन गर्नुहुँदै । तस्वीर : दिनेश श्रेष्ठ

 

संविधानसभा चुनावका
लागि नेपाल कम्युनिष्ट पार्टी
(माओवादी)को प्रतिबद्धता-पत्र

वर्ड फाइल

पीडीएफ फाइल

Links

www.cpnm.org

Maoist Information

Bulletin

www.awtw.org

www.rwor.org

www.wprm.org

 

© All rights reserved with Krishnasen Memorial Publication Pvt. Ltd

This page has viewed  
free hit counter
 times since 7 Baishakh 2065