Janadisha National Daily

जनदिशा दैनिक

जनादेश साप्ताहिक

The Red Star

सश्लेषण मासिक

बर्ष ८, अंक १९, २०६५ कात्तिक ०६ गते (22 October 08, Wednesday)

कभर स्टोरी

समाचार

टिप्पणी/रिपोर्ट

एचआईभी सङ्क्रमितहरुलाई औषधी किन्न समस्या

भारतीय कामदार भित्रिन थालेपछि नेपाली कामदार मर्कामा

कृषि सेवाकेन्द्र पुनस्र्थापना भएनन्

गिट्टीमै बित्ने भो जीवन

आजको अर्थ

व्यवसायी र उद्यमीबीच सम्बन्ध बिस्तार गर्ने कला प्रदर्शनी

सल्यानमा शक्तिवर्द्धक गुच्चे च्याउ

मङ्गलबार शेयर बजारमा सुधार

मङ्गलबार सुनको मूल्य स्थिर

विचार/दृष्टिकोण

समाजवादी क्रान्तिको दिशामा विश्व - पुष्पराज आचार्य

मध्यान्तर

अन्तर्राष्ट्रिय

अन्तिम पातो

पाठक पत्र

नेपाल पत्रकार महासङ्घका मागहरु

सम्पादकीय

सहमतिको पहल

प्रधानमन्त्री पुष्पकमल दाहाल 'प्रचण्ड’ले नयाँ संविधान निर्माण प्रक्रियालाई तीव्रता दिन दसैंलगत्तै केही महत्त्वपूर्ण पहल गर्नुभएको छ । उहाँले एकातिर तराईमा हिंसात्मक गतिविधिमा संलग्न समूहहरुलाई सरकारसँग वार्ताका लागि आहृवान गर्नुभएको छ भने अर्कोतर्फ 'प्रतिपक्षी भूमिका’मा रहेको नेपाली काङ्ग्रेसलाई सरकारमा सहभागी हुन आग्रह गर्नुभएको छ । यसो गरेर प्रधानमन्त्रीले मुलुकमा बृहत् राष्ट्रिय सहमति निर्माण गर्न खोज्नुभएको छ, जुन शान्ति प्रक्रियाको सहजताका लागि अनिवार्य छ । बृहत् राष्ट्रिय सहमतिबेगर नयाँ संविधान निर्माण प्रक्रिया सुरू गर्दा बीचमा अनेक जटिलताहरु उत्पन्न हुनसक्ने भएकाले प्रधानमन्त्रीले सबैलाई समेटेर लैजान खोज्नुभएको हो । जनताले चाहेको पनि यहीं नै हो । कुनै तार्किक आधारबिना सरकारबाट अलग भई घुर्की, धम्की दिइरहेको दल नेपाली काङ्ग्रेसका सभापति गिरिजाप्रसाद कोइरालासँगको भेटका क्रममा प्रधानमन्त्री प्रचण्डले स्पष्ट रुपमा काङ्ग्रेसलाई सरकारमा सहभागी हुन आग्रह गर्नुभएको छ । बाह्रबुँदे समझदारी, बृहत् शान्तिसम्झौता र संविधानसभा निर्वाचनसम्म कायम हुँदै आएको तर, सरकार गठनका क्रममा टुट्न पुगेको दलीय सहमतिको कडीलाई पुनः जोड्ने प्रधानमन्त्रीको सो पहलकदमीमा जनताको चाहना प्रतिविम्बित छ । जनता ६-६ महिनामा सरकार बनाउने र गिराउने खेलका पक्षमा छैनन, बरु सर्वपक्षीय सहमतिका आधारमा नयाँ संविधान निर्माण भएको हेर्न चाहन्छन् ।

राज्यको पुनर्संरचना, सङ्घीय स्वरुपको निर्धारण, राष्ट्रिय सुरक्षा नीति र सेना समायोजन, परराष्ट्र सम्बन्ध, आर्थिक क्रान्तिको आधार र अन्य महत्त्वपूर्ण मुद्दाहरुमा राष्ट्रिय सहमतिको खाँचो छ । यी यस्ता विषयहरु हुन्, जसमा कुनै एक पक्षको असहमतिले शान्ति प्रक्रियामा अवरोध सिर्जना गर्नसक्छ । अतः नयाँ नेपाल निर्माणको अभियानमा सम्पूर्ण नेपालीको संयुक्त सहभागिता अपरिहार्य छ । प्रधानमन्त्री प्रचण्डले यहीं अपरिहार्यताबोध गरेर नेपाली काङ्ग्रेसलाई सरकारमा सहभागी हुन आग्रह गर्नुभएको हो । प्रधानमन्त्री प्रचण्डसँगको भेटका क्रममा काङ्ग्रेस सभापति कोइरालाले आफ्नो पार्टी सरकारमा सहभागी नहुने बरू बाहिरै रहेर संविधान निर्माणमा सघाउने धारणा राख्नुभएको छ । यो धारणाले खासमा माओवादीको नेतृत्वको सरकारमा नजाने काङ्ग्रेसको सङ्कर्णि चिन्तन मात्र होइन, शान्ति प्रक्रिया अघि बढ्न नदिने उसको नियत पनि उजागर गरेको छ । सेना समायोजनलगायतका विषयमा काङ्ग्रेसले निर्वाह गरिरहेको असहयोगी भूमिकाबाटै स्पष्ट हुन्छ, सरकारबाहिर रहेर काङ्ग्रेस शान्ति प्रक्रियासँग सम्बन्धित यस्ता अनेक विषयमा अवरोध सिर्जना गर्न चाहन्छ ।

यसबाट नयाँ संविधान निर्माण हुन नदिने, सेना समायोजनमा अवरोध सिर्जना गर्ने, अनेक बहानामा सङ्क्रमणकाल लम्ब्याउने, शान्ति प्रक्रिया टुङ्गोमा पुग्न नदिने, माओवादीको नेतृत्वमा गठित सरकारलाई अलोकपि्रय साबित गर्ने र माओवादीको क्रान्तिकारी धार भुत्ते पार्दै समग्र मुक्ति आन्दोलनलाई 'सेबोटेज’ गर्ने देशी-विदेशी प्रतिक्रियावादीहरुको षड्यन्त्रलाई काङ्ग्रेसले मलजल गरिरहेको स्पष्ट हुन्छ । यो षड्यन्त्रले अन्ततः मुलुकलाई पुनः यथास्थितिवादी भासमा जाक्ने पक्का छ । अतः सरकारमा सहभागी नहुने काङ्ग्रेसको निर्णय देश र जनताको हितविपरीत छ । काङ्ग्रेसले विदेशी प्रतिक्रियावादीहरुको उक्साहटमा आफूलाई जनता र राष्ट्रिय सहमतिको मूलधारबाट अलग्याउँदै अलोकपि्रय र एकलकाँटे धारमा हिँडाइरहेको स्पष्ट हुन्छ ।

पुराना अंकहरु

कृष्ण सेन स्मृति प्रकाशन प्रा.लि.द्वारा प्रकाशित । प्रधानसम्पादक : गोविन्द आचार्य, सम्पादक : चन्द्रमान श्रेष्ठ, कार्यकारी सम्पादक : दीपेन्द्र रोकाया, सहसम्पादक : ध्रुव अधिकारी, सन्तोष पौडेल, दीपक खनाल, प्रबन्ध सम्पादक : चेतन कुँवर, विज्ञापन : अमृतराज उपाध्याय, कार्यालय : अनामनगर, काठमाडौँ, फोन ०१-४२२०७३६, फ्याक्स ९७७-१-४२५६७८०, इमेल : janadisha@wlink.com.np मुद्रण : एक्सप्रेस कलर प्रेस प्रा.लि. नयाँबानेश्वर ।

संघीय लोकतान्त्रिक गणतन्त्र नेपालका नव नियुक्त प्रधानमन्त्री पुष्पकमल दाहाल 'प्रचण्ड', जनताका नाममा सम्वोधन गर्नुहुँदै । तस्वीर : दिनेश श्रेष्ठ

संविधानसभा चुनावका
लागि नेपाल कम्युनिष्ट पार्टी
(माओवादी)को प्रतिबद्धता-पत्र

Links

This page has viewed
times since 7 Baishakh 2065