जनदिशा दैनिक

जनादेश साप्ताहिक

The Red Star

सश्लेषण मासिक
बर्ष ८, अंक ०५, २०६५ असोज १४ गते (30 September 08, Tuesday)

कभर स्टोरी

समाचार

टिप्पणी/रिपोर्ट

आजको अर्थ

विचार/दृष्टिकोण

मध्यान्तर

अन्तर्राष्ट्रिय

अन्तिम पातो

पाठक पत्र

सम्पादकीय

संविधान निर्माणको काम सुरू गर

देशमा संविधानसभाको निर्वाचन सम्पन्न भएको छ महिना बितिसकेको छ । दुई वर्षभित्रै नयाँ संविधान बनाउने जिम्मेवारीसहित छ सय एकजना सभासद्हरु निर्वार्चित भइसकेका छन् । तर ती सभासदहरुले अहिलेसम्म संविधान निर्माणको कुनै काम थालेका छैनन् । उनीहरुले संविधानको 'स’ मात्रै पनि लेख्न सकेका छैनन ।

यसरी हेर्दा संविधान निर्माणका लागि तोकिएको समयको एक/चौथाई समय त्यत्तिकै बितिसकेको छ । तर हाम्रा राजनीतिक दलहरु अलिकति मात्रै पनि गम्भीर बन्न सकेका छैनन् । उनीहरुलाई पद र कुर्चीकै चिन्ता छ । प्रतिपक्ष दल नेपाली काङ्ग्रेसले त संविधान निर्माण प्रक्रियालाई नै ओझेलमा पार्ने गरी संविधानसभा अवरूद्ध गर्ने तथा सरकार ढाल्ने चेतावनी दिँदै आइरहेको छ । यति लामो समयसम्म पनि संविधान निर्माणको प्रक्रिया सुरूआत नगरिनुले समयमै नयाँ संविधान बन्नेमा आशंका व्यक्त गर्न थालिएको छ । राजनीतिक दलहरुको यसप्रकारको गैरजिम्मेवार व्यवहारप्रति आमजनतासमेत असन्तुष्ट बन्न थालेका छन् ।

महान् जनयुद्धको बलमा राजतन्त्रात्मक संसदीय व्यवस्थाको अन्त्य र सङ्घीय लोकतान्त्रिक गणतन्त्रको स्थापना भएपछि जनताले माओवादीको नेतृत्वमा अग्रगामी संविधान बनोस् र शान्ति प्रक्रियालाई तार्किक निष्कर्षसम्म पुर्‍याइयोस् भन्ने चाहना राखेका छन् । जनताको त्यही चाहनाअनुसार अहिले सबैभन्दा ठूलो पार्टी माओवादीको नेतृत्वमा संयुक्त राष्ट्रिय सरकार गठन भएको छ । यो सरकारले अग्रगामी संविधान निर्माणको एजेन्डालाई आफ्नो प्रमुख कार्यसूचीमा राखिसकेको छ । तर काङ्ग्रेससहितका यथास्थितिवादी दलहरुको अनावश्यक लफडा र प्रतिगामी षड्यन्त्र जारी रहेकै कारण समयमै संविधान बन्ने कुरामा जनता विश्वस्त बन्न सकिरहेका छैनन । यतिखेर नेपाली जनताको भाग्य र भविष्यको फैसला गर्ने थलो संविधानसभा बनेको छ । आगामी संविधान कस्तो बन्छ, त्यसले नै नेपालको राज्यव्यवस्थाको टुङ्गो लगाउने छ । साथै जनताको भविष्यको रेखा कोर्नेछ । त्यसैले संविधान निर्माणको प्रश्न जनताको सर्वाधिक चासोको विषय हो ।

नेपाल र नेपाली जनताको मुक्ति र स्वतन्त्रताका लागि एक सशक्त माध्यम बनेको संविधानसभाले गति लिन नसक्नु हामी सबैका लागि चिन्ता र चासोको विषय हो । अतः तत्काल संविधान निर्माण कार्य थालनी गर्न सबै क्षेत्रबाट दबाब आवश्यक छ । चौतर्फी जनदबाबको बलले मात्रै तोकिएको समयमा संविधान बनाउने कार्य पूरा गर्न सकारात्मक सहयोग पुग्नेछ । जनताको निरन्तर सक्रिय सहभागिता र हस्तक्षेपबाट मात्रै अग्रगामी संविधान निर्माणको कार्यभार पूरा हुनेछ । यसतर्फ समयमै सबैको ध्यान जान सकोस् ।

पुराना अंकहरु

कृष्ण सेन स्मृति प्रकाशन प्रा.लि.द्वारा प्रकाशित । प्रधानसम्पादक : गोविन्द आचार्य, सम्पादक : चन्द्रमान श्रेष्ठ, कार्यकारी सम्पादक : दीपेन्द्र रोकाया, सहसम्पादक : ध्रुव अधिकारी, सन्तोष पौडेल, दीपक खनाल, प्रबन्ध सम्पादक : चेतन कुँवर, विज्ञापन : अमृतराज उपाध्याय, कार्यालय : अनामनगर, काठमाडौँ, फोन ०१-४२२०७३६, फ्याक्स ९७७-१-४२५६७८०, इमेल : janadisha@wlink.com.np मुद्रण : एक्सप्रेस कलर प्रेस प्रा.लि. नयाँबानेश्वर ।

संघीय लोकतान्त्रिक गणतन्त्र नेपालका नव नियुक्त प्रधानमन्त्री पुष्पकमल दाहाल 'प्रचण्ड', जनताका नाममा सम्वोधन गर्नुहुँदै । तस्वीर : दिनेश श्रेष्ठ

 

संविधानसभा चुनावका
लागि नेपाल कम्युनिष्ट पार्टी
(माओवादी)को प्रतिबद्धता-पत्र

वर्ड फाइल

पीडीएफ फाइल

Links

www.cpnm.org

Maoist Information

Bulletin

www.awtw.org

www.rwor.org

www.wprm.org

 

© All rights reserved with Krishnasen Memorial Publication Pvt. Ltd

This page has viewed  
free hit counter
 times since 7 Baishakh 2065