युद्ध स्वयां कठिन मोर्चा ल्वानाच्वंगु दु जनसेना
१४ जनवरीइ नेपालय् अन्तरिम संविधान २०६३ जारी जक जूगु मखु ने.क.पा -माओवादी) अन्तरिम विधायिकाय् थ्यनेधुंकूगु दु व सभवतः याकनं अन्तरिम सरकारय् सामेल जुइ । थ्व हे झवलय् जनमुक्ति सेनाया न्हापांगु च व नवलपरासिइ जनमुक्ति सेनाया दर्ता न्ह्यानाच्वंगु दु व थ्व क्रम अझं न्ह्यानाच्वंगु दु । तर नं देया थीथी थाय्या न्हय्गु मू व नीछगू सहायक शिविर यानाः नीच्यागू अस्थाई व्यारेकय् च्वनाच्वंपिं जनमुक्ति सेनायात माःगु भौतिक पर्ुवधार निर्माण व व्यावस्थापन मजुया अझ नं कस्टकर जीवन हनाच्वंगु दु ।
शरणार्थीया थें जीवन शैलि ः
सन १९९० स भुटानया निरंकुश जुजु जिग्मे सिंगे वाङचुकं जवरजस्ती पित्यंकाः पर्ुर्वी नेपालय् वयाः च्वनाच्वंपिं शरणार्थीया जीवन शैली व अस्थाई व्यारेकय् आः च्वनाच्वंपिं जनसेनाया जीवन शैेली उत्थें जुयाच्वंगु दु । निगुगू डिभिजन सहायक कमाण्डर क. प्रमोद श्रेष्ठ धयादी "जिपिं थन आः भुटानी शरणार्थी थें जुयाः च्वनाः च्वनागु दु । सरकारं ब्यूगु ध्यबां सामान्य च्वनेगु, नयेगु व विरामीया वासः यायेत नं गानाच्वंगु मदु "।
सिन्धुलीया दुधौलीइ च्वंगु २ न. डिभिजनय् न्यासः व नीन्याम्ह जनमुक्ति सेना च्वना च्वंगु दु । सामान्य चौरी गोठ व जंगलय् चय्गु स्वयां अप्वः पाल ग्वयातःगु दु । जा थुइगु व्यवस्थित थाय् मदु, लः सहज तरिकां उपलव्ध मजू । यक्व तापाक्क निसें ड्रम व घलय् लः क्वबिया हयाः जनसेनां लःया आपर्ुर्ति यानाच्वंगु दु । द्यनेगु, च्वनेगु थाय् थुलि अव्यवस्थीत दु कि पुस माघया ख्वाउ“गु सितं जन-सेनाया हरेक क्याम्प दुनेया लासा प्यानाच्वनी । नयेगु ज्वरे यायेगु गुलिखें थासय् पाल तकं ग्वयातःगु मदु । छुं न्हि न्ह्यः तक सिन्धुलीया गढी -गुगु स्वद्धः फिट स्वयां तःजाःगु) थासय् च्वंगु सोलु सल्लेरी व्रिगेडया म्होतिं नं झिंनिसः जनमुक्ति सेनाया जीवन शैली धात्थें हे कन्नाचायापु । थ्यं मथ्यं खुगु किलो मिटर तापागु थासं ट्याङकरं ल्ह्ययाः हःगु लः छ्यलेमाःगु, जंगलया प्याःगु सिं जा थुइमाःगु व जा नं याकनं कचिगु थें च्वनीगु आदि समस्यां ग्रस्त जुयाच्वंगु दु । मेखे क्वाःगु वसः व माक्व लायेगु फायेगु हे गाक्क मदु, सरकारी व्यवस्थापन थुलि कमजोर दु कि सोलु-सल्लेरी व्रिगेड कमाण्डर कमरेड उत्तमं धयादी व्यवस्थापनया प्रकृया गाडा न्ह्योने गोरु ल्यूने धाःथें जुयाच्वंगु दु । सरकारं आः तक जनमुक्ति सेनाया नामय् स्वंगू चरणय् यानाः विनियोजन याःगु सुइन्यागु करोड ध्यबां क्याम्प दयेकेगु ला ख“ छखे हे ति नयेत, पुनेत तकं मगानाः जनसेनां त्यासा मालाः खर्च यानाच्वंगु दु । न्हापांगु डिभीजन कमाण्डर क.परवानाया कथं उगु डिभीजनं जक स्थानीय व्यापारी व्यवसायी लिसें छगू करोड स्वयां अप्वः त्यासा कयाः खर्च याये धुंकूगु दु । मेगु क्याम्पया अवस्था नं अथे हे दु । थुलि यानाः नं व्यवस्थित जुइ मफुगु च्वनेगु, नयेगु, ख्वाउ“गु वातवरण व मू कथं फोहर लःया कारण फुक्कं धयाथें क्याम्पय् जनसेना विरामी जुइगु क्रम द्यूगु मदुनि । थीथी इलय् चिचीधंगु शिविरत न्ह्याकूगु जुसां नं विरामीतय्त बा“लाःगु स्वास्थ्य उपचार अभावया कारण विरामीया ल्याः न्हिया न्हिथं अप्वया च्वंगु दु । ख्वामुगुलिं सेखं चाइगु, मुसु वइगु, ज्वर वइगु, सांसां स्याइगु, छ्यंगु चासुइगु व घाः जुइगु समस्या अप्वया च्वंगु दु । निगुगू डिभिजनय् जक न्यासःम्ह विरामी दु । न्हापांगु डिभीजनया मातहतय् दुगु विप्लप सृजन स्मृती व्रिगेडय् नेदरल्याण्ड लेप्रोसी रिलीफ ९ल् ी च्० या ग्वाहालिइ याःगु छगू स्वाथ्य शिविरय् सच्छि व खुइम्ह अज्याःपिं विरामीत लूगु दु । अज्याःगु हे समस्या संंचारय् नं खनेदुगु दु । झिंनिसः जनमुक्ति सेना दुगु सोलु-सल्लरी व्रि्रेडय् आः तक छगः जक करलेक्स फोन दु । गुकिं ज्याकूया निंतिं हे मयानाच्वंगु दु धाःसा जनसेनाया छे“जः लिसे स्वापू तयेत समस्या जुयाच्वंगु दु ।
जनमुक्ति सेनाया अधिकारीतय्सं मंस्ािर ५ थुखे क्याम्पय् देशी विदेशी संघ संस्था व सरकारं स्ववयेगु व अनुगमन जक याः वःगु ख“ धाःगु दु । उमिसं मानवीयताया ल्याखं नं शिविर व्यवस्थापनय् सरकारं ग्वाहालि मयागु धासें आः नं शिविर व्यावस्थापनय् लिबाना च्वनाधाःसा जनमुक्ति सेना विकेन्द्रीत जुइ फइगु चेतावनी ब्यूगु दु ।
समझदारीप्रतिया प्रतिवद्धता
दुधौलीइ टेन्ट दयेकाच्वंपिं जनसेनाया छगू टोलीं धाल "सरकारं छुं हे व्यवस्थापन मयाःसें जिमित बिसिका छ्वयेत स्वयाच्वंगु दु तर जिपिं अथे यायेगु पक्षय् मदु ।" छगू ला व्यारेकीकरणया अनुभव मदुगु व मेगु भौतिक कष्टया कारण नं युद्ध स्वयां कठिन मोर्चा ल्वानाच्वनागु धासें उमिसं थःपिं ऐतिहासिक सम्झौता व सहमति कथं क्याम्पय् च्वना च्वनागु व न्ह्याक्व हे दुख कष्ट जूसां नं क्याम्प मत्वतेगु ख“ धाःगु दु । थुलि भौतिक कष्ट सहयानाः नं उमिसं दुख महसुस याःगु मदु । म्ये हालेगु, प्याखं ल्हुइगु, खेलकुद, अध्ययन, प्रशिक्षण थेंज्याःगु ज्याय् नं उपिं उतिकं लगे जुयाच्वंगु दु ।
निर्माण कार्यय् सक्रिय दु पौरखी ल्हाःत -ः
मनूतय्सं बिचाः याइ जुइ, म्हिगः ला चाहिलाः, बन्दुक न्यायेकाच्वंपिं जनसेना आः सुम्क च्वनाः नयाच्वंगु दु । तर ख“ अथे मखु, युद्धकालय् बन्दुक न्यायेकेत सक्रिय जनमुक्ति सेनाया ल्हाः आः ल“ दयेकेगु, कासा ख्यः दयेकेगु, टेन्ट दयेकेगु ज्याय् नं उत्तिकं सक्रिय जुयाच्वंगु दु ।
सुथय् प्यता इलय् दनेगु, नियमित रोलकल यायेगु, नसा ज्वरे यायेगु, नयेगु, नियमित राजनीतिक व फौजी प्रशिक्षण कायेगु । थुकथं हे उमिगु न्हिं बिनाच्वंगु दु । जनमुक्ति सेना थुलि परिश्रमी दु कि स्वयेबलय् ताइ थुपिं हा जक खः ला -
व्यारेकय् आः जनमुक्ति सेनायात आवश्यक जूगु ख“यात ध्यानय् तयाः थीथी पसःत चायेकूगु दुसा गनं चायेकेगु क्रम न्ह्यानाच्वंगु दु र्।र् इलामया चुलाचुलीइ दुगु १ नं डिभीजन ज्याकुथी निगू अज्याःगु पसः चायेकूगु दु । अथेहे जनमुक्ति सेनाया वसः सुइकेया निंतिं थःगु हे स्वंगू टेलरिङ्ग सेण्टर चायेकूगु दु गन जनमुक्ति सेना थः हे सुज्या व थाज्या यायेगु याइ । उलि जक मखुसें चुलाचुलीइ थ्यं मथ्यं नीद्धः लाय् तयाः म्हूकं पिइगु ज्या नं याःगु दु । थुकथं उपिं फयां फक्व आत्मनिर्भर जुइगु कुतः यानाच्वंगु दु । राजनीति, फौजी, जनश्रम फुक्कं ज्याय् मेहनत यानाः न्ह्याःवनाच्वंगु जनमुक्ति सेनात भविष्यय् देय् व जनताया हितया निंतिं ज्या याइगु राष्ट्रिय सेनाया नेतृत्व यायेत थः सक्षम दुगु ख“ कनी ।
खुशी दु जनता
माओवादीयात जनतापाखें ब्यागलं तये चाहे जूपिनिगु तच्वंगु प्रचार जुसां नं जनमुक्ति सेना प्रति जनताया ग्वाहालि व सहानुभूति न्ह्यथने बहः जू । जिपिं लिसें नापलायेगु झवलय् अस्थायी शिविर जःखःया जनतां जनसेना च्वनाः थःपिंत दुःख मजूगु बरु खुशी हे जूगु प्रतिक्रिया बिल । जनसेनाया बा“लाःगु बोली, सहयोगी भावना व इमान्दारितां जनता प्रभावित दु । अथेहे अस्थायी शिविर जः खः जनता मत, ल“ व लःया पर्ुवाधार दइगुलिइ नं खुशी खनेदु ।
लर्डाई शान्ति न्ह्यागुं हे मोर्चाय् नं ल्यूने मलाइपिं जनमुक्ति सेनां हे देशय् छुं याये फइ धइगु ख“य् उपिं आशावादी जुयाच्वनागु ख“ धाःगु दु । मानवीयताया आधारय् तक नं न्यूनतम नयेगु, च्वनेगु व्यवस्था याये मफुम्ह सरकार प्रति स्थानीय जनतां तक नं खेद प्वंकेगु यानाच्वंगु दु । गढीइ जनमुक्ति सेनाया क्याम्प च्वने धुंकाः सुन्तला म्यू वःम्ह छम्ह वृद्ध दलित मिसां थ्वयां न्हापा जनमुक्ति सेना गुबलें मखंगु ख“ धासें आः थः तसकं खुसी जूगु ख“ धाल ।
छु झिद“ तक देय् व जनताया पक्षय् ल्वानावःपिं जनसेनायात विगतय् जनहत्या व दमन याना वयाच्वंगु सरकारी सेनायातति समान ढंगं व्यवस्थापन यायेगु सरकारया दायित्व मखुला -

समावेशीकरणया बांलागु नमूना
ये“/ अन्तरिम संसदय् थीथी राजनैतिक पार्टर्ीीाखंे स्वतन्त्र व नागरिक समाज पाखंे मनोनयन यायेत वःगु पीच्यागू सिटय् मध्यय् ने.क.पा.-माओवादीं) थःत वःगु झिगूू सिटय् स्वतन्त्र व्यक्तियात मनोनयन यानाः थःगु प्रतिवद्धता पूवंकूगु दुसा मेेगु राजनीतिक दल पाखंे थथे याये फुगु मदु । माओवादीं याःगु थुगु मनोनयनयात आम जनतां लोकतान्त्रिक गणतन्त्र व समावेशीकरणया बांलागु नमूना धकाः च्वछाःगु दु । माओवादी पाखंे मनोनित जूम्ह भाषिक आन्दोलनया न्ह्यलुवाः लिसंे नेवाः देय् दबुया नायः व मानवअधिकारकर्मी भाजु मल्ल.के.सुन्दर मनोनित यानाः जनजातिया अधिकार प्रति प्रतिबद्धता ब्वया ब्यूगु दुसा मानवअधिकारया विश्वब्यापी मान्यताया थःपिं अविचलित जूगु दसि नं ब्वया ब्यूगु दु । हरि रोक्कायात प्रतिनिधित्व याकाः थः विरोधय् कलम न्ह्याकीपिनिगु बिचाःयात कःघायेत स्वःगु दु । इलियास मुसलमानयात मनोनित यानाः विश्वं हे प्रताडित जुयाच्वंपिं मुस्मां समुदायया प्रतिनिधित्व याकेगु जक मखु, विश्व साम्रँज्यवादयात नं छगू कथंया झापड नकूगु दु । मुक्त कमैया मोतिदेवी चौधरीयात मनोनित यानाः ने.क.पा.-माओवादीं) देय्या दकलय् उत्पीडनय् लानाच्वंपिंत धात्थंेया राज्यसत्ताया मालिक दयेकेगु ल“पुइ न्ह्याःवंगु महसुस याकूगु दुसा पद्मलाल विश्वकर्मायात मनोनित यानाः देय्या मू समस्या जुयाच्वंगु दलित आन्दोलनयात संबोधन यायेगु ज्या याःगु दु ।
कृष्ण आचार्ययात मनोनित यानँः राष्ट्रिय पु“जीपति वर्ग नेपाःया जनवादी क्रान्तिया प्रेरक शक्ति खः धकाः थःगु दस्तावेजय् न्ह्यथनातःगु ख“यात व्यवहारय् प्रमाणित याःगु दुसा शान्ता श्रेष्ठयात मनोनित यानाः लोकतन्त्रिक आन्दोलनया योद्धातय्त सम्मान याःगु दु ।
अथेहे बौद्ध भिक्ष्ँु आनन्दयात मनोनित यानाः माओवादी क्रान्तिकारीत थः धर्म निरपेक्ष्ँ जूसां नं आमजनतया धर्मया आस्थायात सम्मान याःगु दु । ने.क.पा.-माओवादी) गुकथं थथे स्वतन्त्र व्यक्तियात मनोनयन यानाः थःगु प्रतिवद्धता प्वंकूगु दु थुकि धात्थंे आः देसय् हिउपाः वइगु आशा आम जनतां याःगु दुसा थीथी राजनीतिक पार्टर्ीीत थ्व छगू शिक्ष्ँा नं जूगु दु ।
आदिवासी जनजातिं आन्दोलन न्ह्याकीगु
ये“/अन्तरिम संविधानय् जनजातिया सवालयात बेवास्ता याःगु द्वपं बियाः आदिवासी जनजातितय्सं दवाब मूलक ज्याझवःया घोषणा याःगु दु । उमिसं न्हापांगु चरणया ज्याझवलं गुगु नं कथंया सुनुवाइ मजुल धाःसा सशक्त संर्घष्ा यायेगु चेतावनी ब्यूगु दु ।
नेपाल आदिवासी जनजाति महासंघ व न्हय्गु राजनीतिक पार्टर्ीीसें सम्बन्धित आदिवासी जनजाति संयुक्त संर्घष्ा समितिइ मंकाः कथं ग्वसाः ग्वःगु पत्रकार सम्मेलनय् ब्यूगु जानकारी कथं न्हापांगु चरण थःगु असहमतियात कयाः प्रचार प्रसार यायेगु, व्यवस्थापिका, कार्यपालिकाया प्रतिनिधित लिसें अन्तरक्रिया, धर्ना, थीथी थासय् कोण सभा लिपा १९ गते वृहद् पर््रदर्शनया ज्याझवः यायेगु ग्वसाः ग्वःयातःगु दु ।
जनजातितय्सं अन्तरिम संविधानय् सहमति जूगु इलंनिसें समानुपातिक प्रतिनिधित्वया व्यवस्थाया माग याना वयाच्वंगु खः । अथेहे आत्मनिर्ण्र्ााा अधिकारया लिसें जातीय, क्षेत्रीय आधारय् राज्यया पुनःसंरचना, समावेशी संघात्मक स्वरुपया लोकतान्त्रिक गणतन्त्रया पलिस्था व संविधान सभाय् निर्वाचन प्रणालीया आधारय् समानुपातिक प्रतिनिधित्व याकेगु ख“ अन्तरिम संविधानय् स्पष्ट किटान यायेमाःगु माग याःगु दु ।
अन्तरिम संविधानय् बहुभाषिक, बहुजातीय देय् धकाः स्वीकार याःसां नं छगू जक खस भाषायात सरकारी छ्यला बुलाया भाय् दयेकाः पंञ्चायत इलंनिसें छगू भाषायात विशेषाधिकार बियाच्वंगुयात अन्तरिम संविधानय् नं निरन्तरता बीगु ख“ खेद पर्ूण्ा जूगु संयुक्त प्रेस विज्ञप्तिइ न्ह्यथनातःगु दु । अथेहे आदिवासी जनजातिं राष्ट्रिय जनावर व रङ्गया लिसें सामाजिक विविधता विरोधी निसान छाप व झण्डा खारेज यानाः सहमतिया आधारय् न्हूगु झण्डा ल्ययेमाःगु ख“ नं विज्ञप्तिइ न्ह्यथनातःगु दु ।
थ्व हे झवलय् थारु कल्याणकारी सभां नं छगू प्रेस विज्ञप्ति पिथनाः अन्तरिम संविधानय् गनं नं थारुतय् बारे छुं नं ख“ न्ह्योमथंगुलिं विरोध वक्तव्य पितब्यूगु दु ।
ताप्लेजुङ्गय् प्रहरी पाखें द्वलंद्वः चन्दा ङ्खवन
ताप्लेजुङ्ग/झी फुकस्यां स्यूगु हे ख“ खः कि ने.क.पा. -माओवादी) यात बदनाम याये चाहे जूपिंसं जवर्जस्ती चन्दा आतंकया प्रचार गुलि यात धइगु ख“ । तर सरकारी सुरक्षाकःमितय्सं नं घोषित रुपय् चन्दा म्होया च्वन धायेबलय् विश्वास जुइला -
तर ताप्लेजुङ्गया प्रहरीतय्सं भवन निर्माणया निंतिं धकाः स्थानीय व्यापारी व व्यावसायीतय्के न्याद्वलं निसें झिछद्वः ध्यबा म्होयाच्वंगु ख“ सीदुगु दु । जिमि सम्वाददाताया कथं सदरमुकाम वासी जनतां थःपिंसं नियमित रुपं सरकारयात कर पुलाच्वनागु दु धासें प्रहरी चन्दा म्होयेगु ज्या याःगु घटना प्रति आक्रोस प्वंकूगु दु । वजारया व्यावसायी र उद्योगीतय्गु नां संकलन यानाः न्याद्व स्वयां अप्वः ब्यूपिनिगु नां शिलापत्रय् च्वयेगु धासें चन्दा म्होयेगु ज्या यानाच्वंगु खः ।
अपराधीयात कारवाही यायेगु प्रतिवद्धता
ये“/ ने.क.पा.-माओवादी) भ्याली विशेष ब्यूरो अन्तरगत ये“ जिल्ला संगठन समितिया दुजः सुशीलं छगू विज्ञप्ति पिथनाः बुधवार वाःपतिइ वंगु पुस १९ गते पिदंगु समाचार पर्ूण्ा रुपं कपोलकल्पित व भ्रामक जूगु ख“ धाःगु दु । प्रेस विज्ञप्तिइ असल -चक्रबहादुर परियार, नेपालगञ्ज)या नामं च्वःगु 'आङ्खनै साथी मार्नेको आत्मालोचना' धइगु शिर्ष तयाः पिदंगु च्वसुइ क. प्रहार व जि सुशीलं कुख्यात भीमान हत्याकाण्डया खलनायक अलसयात बिसिके छ्वःगु व थः पासापिंत स्यायेत सेना नाप सा“ठगा“ठ याःगु धइगु द्वपं कपोलकल्पित व झुठ जक मखुसें षडयन्त्रपर्ूण्ा ढंगं वःगु खः धयातःगु दु । विज्ञप्तिइ दुश्मन व अवसरवादीतय्सं न्यंकूगु थज्याःगु आधारहीन हल्लाय् विश्वास मयायेत फुक्क पार्टर्ीींक्ति, पीडित परिवार व आम जनसमुदाययात इनाप नं याःगु दु । अथेहे पौया आधिकारिकता प्रष्ट मजूगु व असल थेंज्याःपिं गद्दारतय्त तकं छ्यलेफुपिं प्रतिक्रियावादी शक्तितय्सं न्हूगु षडयन्त्र यानाच्वंगु व पार्टर्ीीुने एकता जूगु स्वये मयःपिं अवसरवादीतय्गु प्रचारं र्सतर्क जुइमाःगु ख“ नं विज्ञप्तिइ न्ह्यथनातःगु दु ।
अथेहे थीथी पत्रिकाय् क. प्रहारं बियाः असल नांया गद्दारया धात्थेंगु ख्वाःपाः उलाब्यूगु दु । भीमान हत्याकाण्ड, भालु खोला, टिकुली घटनाय् संलग्न जूम्ह गद्दार असलयात जनतां गुगु नं इलय् बदला कायेफु धयादीगु दु ।
स्वास्थ्य शिविर न्ह्याकल
ये“/जनमुक्ति सेना नेपाःया न्हापांगु डिभिजन अर्न्तगत च्वंगु विप्लव श्रृजन स्मृति व्रिग्रेडं वंगु माग ४ गते इलामया दानवरीइ अखिल नेपाल जनसा“स्कृतिक महासंघ व स्वास्थ कार्यलय इलामया संयुक्त रुपं स्वास्थ्य शिविर न्ह्याकूगु दु ।
करिब सच्छि व न्हय्छम्ह जनमुक्ति सेनाया योद्धापिंसं थःगु स्वास्थ्य परिक्षण याकूगु उगु स्वास्थ शिविरय् नेदरल्याण्ड ल्याप्रोसी रिलिफ, व्रिटीश नेपाल, मेडिकल ट्रष्ट व कोशी अञ्चल अस्पतालं विशेष ग्वाहालि याःगु खः ।
स्वास्थ्य शिविर क्वचाल
कीपू, पुष १६ / कीपू नगरपालिका वडा नं १९ यतुगःया सजग समुहया ग्वसालय् म्हिगः निःशुल्क स्वास्थ्य शिविर जुल ।
शिविरया उलेज्याय् मू पाहा“ किपू नगरपालिकाया कार्यकारी अधिकृत सरोज गुरागा“इ नं स्थानीय समस्यात ज्यंकेत थम्हेस्यां फक्व ग्वाहालि यायेगु ख“ धयादिल । अथेहे उलेज्याय् स्थानीय बुद्धिजीवी जगतबहादुर महर्जनं यानादीगु खःसा विकास महर्जनं लसकुस न्वचू व किशोर महर्जनं ज्याझवः न्ह्याकादीगु खः । शिविरय् सामान्य उपचार, बाल रोग व स्त्री रोग सम्बन्धि उपचार याःगु खः । अथेहे पांगा, शालिकय् नं रक्तदान ज्याझवः क्वचाःगु दु ।

भिला सोमालियाय् आक्रमण यात
मोगाडिस्यु, माघ -५ -ए.एफ्.पी)/सोमालिया इस्लाम अतिवादीतय्सं सोमालियाय् च्वंम्ह अन्तरिम राष्ट्रपति अब्दुल्लाही यसुफ अहमदया छे“य् छगः मोटारं आक्रमण याःगु दु । आक्रमण लिपा दोहोरो गोली हानाहान जूगु दु । अथेहे मिला सोमालियाय् च्यागः मोर्टर्ााआक्रमण याःगु दु ।
अतिवादीतय्गु सत्ता कब्जे यायेगु व अन्तरिम सत्तायात ग्वाहालि यानाच्वंपिं इथियोपिया देशय् च्वंपिं सेनां सरकारी पक्ष्ँयात ग्वाहालि यानाच्वंगु दु । आकस्मिक क्ष्ँतिया विवरण मवनी धाःसा आक्रमणया झवलय् राष्ट्रपति थःगु छे“य् दुगु वा मदुगु नं सीमदुनि ।
भिडन्तय् स्वसः व न्हय्खुम्ह सित
कोलोम्बो, माघ-५/श्रीलंकाया पर्ूर्वी भागय् सरकारी सेना व तमिल टाइगर व्रि्रँेही दथुइ जूगु भिडन्तय् सरकारी सेना पीन्याम्ह व स्वसः व स्वीछम्ह व्रि्रोही यानाः स्वसः व न्हय्खुम्ह सीगु ख“या पुष्टि श्रीलंकाया रक्ष्ँा मन्त्रालय् नं याःगु दु । अथेहे विहिवाः जूगु भिडन्तय् प्यम्ह सैनिक व झिंनिम्ह व्रि्रँेहीत सीगु ख“ धाःगु दु ।
व्रि्रँेहीतय्सं बाट्टकिोला जिल्लाया सुरक्ष्ँा शिविरय् आक्रमण यायेगु तयारी यानाच्वंगु इलय् जवाफी कार्वाही याःबलय् भिडन्त जूगु सैनिक अधिकारी उपाली राजपक्षं धाःगु दु । तर तमिल टाइगरं गुगु नं कथंया प्रतिक्रिया ब्यूगु मदुनि ।
श्रीलंका सरकार व तमिल टाइगर व्रि्रँेही दथुइ थीथी चरणय् वार्ता जूसां निष्कर्ष् थ्यंके मफया च्वंगु खः । सन्् १९७२ निसंे जूगु गृहयुद्धय् मुक्कं ७० द्व म्ह मनूत सीधुकूगु दु ।
परिक्षणं ग्यायेम्वाः
बेइजिङ/ अन्तरिक्ष्ँय् च्वंगु छगू भू-उपग्रहलय् क्ष्ँेप्यास्त्र परिक्ष्ँण यानाः नष्ट याःगु खवरं मेपिं देय् चिन्तित जुइगु आवश्यक मजु धकाः चीनया विदेश मन्त्रालयया प्रवक्ता लिउउ जियान्चाओं धयादीगु दु ।
देय्या राजनीतिइ वातावरण गुलि संविधान सभाया चुनाव पाखे केन्द्रीत जुयावन । उकियात पनेगु हे षड्यन्त्र नं उलि हे तीब्र जुयावंगु दु । थीथी नांया अपराधिक जत्था पाखंे तर्राई लागाय् न्यंकाच्वंगु आतकंयात राजनैतिक ख्यलं संविधान सभाया चुनाव मयाकेगु देशी/विदेशी षड्यन्त्र कथं काःगु दु । जिमि संवाददाता लिसे ख“ ल्हानादिसें ने.क.पा.-माओवादी)या केन्द्रीय दुजः क.देव गुरुङं सिराहाया लहान लगायतया तर्राईया थीथी लागाय् जूगु घटनायात शान्ति व प्रगति प्रति नेपाःमि जनताया चाहानाया विरुद्धय् दरबार शिब सेना लगायतया प्रतिगामी व अतिवादीतय्गु षड्यन्त्रया कथं ब्याख्या यानादीगु दु । वय्कलं अज्याःपिं कुतत्वतय्त इलय् म्हसीकाः कार्वाही यायेमाःगु ख“य् नं बः बीयादिल ।
अमेरिकी रक्ष्ँामन्त्री इराकय्
बासरा, माघ-५/इराक युद्धनीति प्रति अमेरिकाय् जनर्समर्थन म्हो जुयाच्वंगु इलय् न्हूगु रणनीतिया कारणं अमेरिकी रक्ष्ँामन्त्री र्रबर्ट गेट्सं युद्धग्रस्त दक्षिणी भागया स्थितिबारे अमेरिकी व गठबन्धन सेनाया कमाण्डया सहलह ब्याकेत शुक्रवाः दक्ष्ँिणी सहर बासारय् हला दुने भ्रमण याःगु दु ।
रक्ष्ँामन्त्री जूगु लच्छि जक दुगु इलय् निक्वःगु भ्रमण यानाः गेट्सं अमेरिकी सेनाया निवर्तमान कमाण्डर जर्ज क्यासीयात नाप लानाः इराकी व अमेरिकी असन्तोषयात ज्यंकेत अन वंगु खः ।